"NADAL SOLIDARIO, NADAL AMIGO 2011"

                        

           

                    …REMATADO ESTE LONGO    
              TRIMESTRE,   

                                 QUEREMOS 

               COMPARTIR CON TODOS VOS

                                    A NOSA

              AGARIMOSA FELICITACIÓN DE 
             NADAL 2011.

                      VÉMONOS Ó 9 DE XANEIRO,

                                  BOAS FESTAS!!!

!!!XOGANDO COA MÚSICA-1!!!

              Presentámosvos o proxecto anual de 

              achegamento á música. O longo deste 
              trimestre coñecimos unha morea de
              instrumentos:

          

“O VIOLÍN  DA VIOLINISTA

É UNHA CAIXA MELODIOSA

QUE  TEN CATRO CORDAS

QUE CON ARCO

E COS DEDOS SE TOCA”

             Aquí tedes unha pequena mostra
               da actuación da nosa amiga 
                 María  que nos visitou o 
                      3 de novembro.

                                      

“CHEGOU O OUTONO 

POLA CARBALLEIRA  

 DA BOUZA

VEN CHEO DE FOLLAS, 

PAUS, PIÑAS E PIÑÓNS.

CHEGOU O OUTONO SEN AVISAR

VEN CHEO DE MÚSICA

E DE RITMOS NAS MANS.

CHEGOU O OUTONO   

E  NOS VAI REGALAR

UN  CONCERTO DE AMIGOS

QUE NOS GUSTA MOITO LEMBRAR.

           

                 Ollade como disfrutamos
                 no Concerto de outono.
                 Os nosos amigos do 
                 Conservatorio da Florida 
                    recibíronnos con
                      moita marcha.
                

                               

                                   

“O CLARINETE  AMIGO ESTÁ A SOAR,

O CLARINETISTA ESTÁ A SOPRAR.

DESTE INSTRUMENTO MUSICAL DE VENTO,

QUE DE MADEIRA E METAL ESTÁ FEITO

A SÚA MÚSICA NOS GUSTA 

ESCOITAR E TAMÉN BAILAR”.

                  O xoves 1 de decembro 
                  o noso amigo Felipe fixo
                  as delicias dos presentes 
                  na Praza dos encontros.

   !!!GRACIÑAS ARTISTAS, UN PLACER DISFRUTAR
DA VOSA COMPAÑÍA COS INSTRUMENTOS
   E  AS VOSAS MELODÍAS!!!                 

CONTOS DE MEDO

                 A nosa “AMIGA,  A ESTRELA XELA” 

                    recoméndanos contos de…  MEDO”

E chegou o medo ÓS CONTOS sen avisar…

Meteuse no armario e debaixo da cama.

Non sei se o medo será  grande ou pequeno,

pero eu teño medo, moito medo…

E chegou o medo  sen avisar… 

e meteuse nos contos para asustar.

No fondo do mar o medo agachado está,

na fraga, ou na casa pódemolo atopar.

O medo dos contos  non fai mal.

Os contos de medo pódense contar e contar,

e outra vez… volver a empezar.

Recomendarvos 3 contos de medo para a vosa biblioteca:

Título: A MIN NON ME COMAS!

Autoria: Margarita del Marzo e Vitali Konstantinov

Editoria: OQO

Precio: sobre 13,00 euros

Era unha noite sen lúa….  O reloxo daba a UNHA… DONG! 
Mateo espertou asustado.
Escoitara un ruído detrás da porta,
onde estaban colgados os abrigos.
Mirou cara a alí,
pero só viu unha sombra… Abriu moito os ollos, sen pestanexar,
e a sombra transformouse nun… ¡¡¡MONSTRO!!!

Titulo: “CHIVOS CHIVONES”  Conto popular

Editorial: KALANDRAKA

Precio sobre 12,00 euros

Había unha vez tres chivos que vivían no alto dunha montaña: un chivo chivón pequeno, un chivo chivón mediano e un chivo chivón grande.
   Un día viron unha herba moi verde que crecía o outro lado do río. Pero para chegar había que cruzar unha ponte, pero debaixo vivía un ogro terrible, que non deixaba pasar a ninguén.  O chivo pequeno, o chivo mediano e o  chivo grande tiveron que inxeniar a forma de burlar ó monstruo.

   Unha historia que nos amosa que a intelixencia e o inxenio poden máis ca forza física... para non ter medo.

TÍTULO: “YO DUERMO CON UN OSO

AUTORES: Antonio Abascal/BorJa Sauras

EDITORIAL: PINTAR Y PINTAR

PRECIO:13,00 EUROS

  Eu durmo cun oso de peluche e mil monstros preto da miña almofada.
  Antes tíñalles medo, agora non me fan nada.
  Un libro para escorrentar os monstros que nos asustan de pequenos... e de grandes.
 

… e tamén recomendarvos a grandes e pequenos 4 contos de medo… de moito medo… en formato dixital, que nos van gustar e tamén asustar…

http://www.dalealplay.com/informaciondecontenido.php?con=162087

A historia dun polbo  namorado…O medo que pasa  para atopala e outras aventuras.

http://paracantarecontar.blogspot.com/search/label/Corre%20corre%20cabaci%C3%B1a

Conto dunha cabaciña que vai a unha boda e polo camino atópase con varios “amigos… “que a  queren comer…

http://paracantarecontar.blogspot.com/search/label/Fiz%20o%20coleccionista%20de%20medos

Fiz ten unha colección de medos… que aumenta día a día… igual que o seu cheiro.

http://paracantarecontar.blogspot.com/search/label/Nadar%C3%ADn

Nadarín e un peixe pequeniño que no fondo do mar descubre o que é ter medo… moito medo ós peixes grandes.

E DENDE UNHA COVA… MOITOS BICOS DE MEDO,

E AGARIMOS DE ASUSTAR  DA VOSA AMIGA

 

  

¿E TI VAS Á ESCOLA?

   O período de adaptación é o tempo  que as nenas e os nenos precisan para asimilar os cambios e facer a súa incorporación a Escola Infantil. Pasan dun ambente coñecido e seguro a outro desconocido, en moitos casos, supon tamén a primeira separación das figuras de apego.

    A entrada na escola implica a saída  do mundo familiar onde a nena e o neno ocupa un rol definido, onde se move nun espazo seguro, coñecido, protexido, onde se relaciona coa  súa familia, e cos máis achegados para chegar a un espazo novo e con persoas que non coñece.

   Chegar  por primeira vez a un lugar novo, non é fácil para ninguén.

    ¿A quen afecta?

                            ·A cada nena e neno

                            ·As familias

                            ·Os educadores

                            ·O grupo

   Neste proceso persoal de adaptación os cativos e cativas van coñecer un novo lugar e facelo propio para chegar a gozalo, establecer vinculos de relación… e, ¡ isto leva un tempo!

   A adaptación é de cada quen, é unha conquista persoal chea de emocións e vivencias, de experiencias propias e compartidas, de medos, de sonrisos, de xogos, de desexos e de inquedanzas.

   As nenas e os nenos van necesitar construir e abrir a súa dimensión social dende o coñecido (a súa familia) ata a súa Escola Infantil.

    PARTICIPACIÓN E COLABORACIÓN DAS FAMILIAS

  As nais, pais e outros familiares  teñen unha gran influencia neste momento que ven determinado como eles  vivan  a separación do seu fillo/a:  os seus temores, expectativas, a súa ansiedade, a súa seguridade ou inseguridade, o grado de  confianza nas posibilidades do neno/a, da escola como institución, das persoas que nela traballan.

   É de gran interese reseñar: o importante papel que a familia ten no proceso de adaptación do seu fillo/a, sen esquecer  que a famillia tamén ten que facer  a súa propia adaptación.

   Dende a escola se van abrir canles e de cooperación e colaboración familia-escola para facer xunto cos nenos e nenas este periodo doado,  para todas e todos, para por en xogo procesos cognitivos e afectivos complexos pero todos eles importantes no proceso de socialización que se deben ter en conta.

   O profesorado tera a responsabilidade de planificar e organizar coas familias a incorporación do alumnado nun período  de tempo recollido  no calendario escolar. Dende a  solicitude de matrícula no centro  ata o remate do período de adaptación con cartas, xuntanzas, entrevistas, folletos, libro de benvida, e outros documentos e extratexias que abran canles de para comunicarse e coñecerse.

   Sen esquecer que as experiencias sociais e educativas vividas terán unha gran influencia na historia escolar de cada nena e de cada neno e da súa familia.

                    Ollade o conto " Un papá a medida" que disfrutaron as
                              familias que acudiron á reunión do 18 de outubro!!!

                    

                                  

CONTOS DO OUTONO

            A nosa amiga “ estrela xela” xa voltou deixar  nos andeles 
da  súa biblioteca libros novos que atopou nas Feiras do Libro e nas librerías que visitou nos últimos días. Hoxe  quer recomendaros algún 
contos de outono…

                   “El otoño”   

                                Escrito e ilustrado por Claudia  Deglioumin

                     Publicado pola Editorial Sieteleguas

                     Precio: sobre 15,00 euros

           Chega o outono coa súa longa bufanda. O outono arrecende a    chocolate e xogos para lembrar… ¿A onde o outono corredo vai…  ?   A atoparse coa súa amiga a…

            Un libro cheo de poesía para coñecer e descubrir o outono e despois as outras estacións amigas noutros libros desta colección.

          “A boneca e 
          a castañeira”

                  Editorial OQO

                                    Roberto Aliaga & Maja Celija

                                    Precio: sobre 13,00 euros

 

        Marcela vive coa súa avoa, a castañeira, e mais cunha boneca de trapo gastada polo tempo e os abrazos. No Nadal, a avoa monta o posto diante dunha tenda de xoguetes e alí ve, no escaparate, a boneca de porcelana perfecta para a súa neta…

“ El bosque”

Autor: James Gourier

Editorial: SM

     Precio: sobre 15,00 euros

            Para coñecer e descubrir as fragas e o beneficios que nos poden dar para todos nos.

E tamén  contos que podedes ver en formato dixital:

http://video.google.es/videoplay?docid=8874853259596614785

O verme das castaña narrado e con pictogramas 

http://www.youtube.com/watch?v=VgxduOZA8CM&feature=related

O Señor Outono cheo da música de  e de cores 

http://www.youtube.com/watch?v=U8v12M2mRVM

Conto popular infantil: “La Castañera”

“ A de unha, a de dúas, a de tres: no outono,

ata a lúa voan as follas e os contos de tres en tres.”

Agarimos e contos da vosa amiga :

 “A Estrela Xela”

""MERGULLÁNDONOS NUNHA MAREA DE GLOBOS”"

                   

       O AMBENTE E OS ESPAZOS QUE NOS RODEAN  SON COMO UNHA CESTA REPLETA DE TESOUROS!!!

     TENDO EN CONTA QUE A ORIXE DO COÑECEMENTO ATÓPASE NA EXPERIENCIA, E NO VALOR DA OBSERVACIÓN E DA ACCIÓN DIRECTA SOBRE OS ELEMENTOS. DE AHÍ, QUE NA NOSA ESCOLA, LLE DEMOS O VALOR EDUCATIVO QUE SE MERECEN “ÁS SAÍDAS E VISITAS EDUCATIVAS”.

     AS NOSAS SAÍDAS EDUCATIVAS ESTÁN CHEAS DE INTENCIÓN PEDAGÓXICA, QUE PERMITEN MIRAR CON OUTROS OLLOS OS CONTEXTOS COTIANS E TAMÉN ACHEGARNOS A LUGARES QUE RESULTAN MENOS HABITUAIS, COMO OS MUSEOS.

        NESTE CASO, OS GRUPOS DAS “MOSCAS CHOSCAS” (4B), “BRANCANEVES E OS 20 ANANIÑOS”  (5 B), “AS FORMIGAS SILENCIOSAS” (3 A), E O DOS “RATOS E RATAS”  (5A) COÑECERON E DISFRUTARON  DA ARTE CREADA POR "MARTÍN CREED". QUE CUNHA SOA OBRA, INUNDA E Á VEZ BALEIRA O ESPAZO EXPOSITIVO POR MEDIO DE GLOBOS QUE OCUPABA TODA A PLANTA BAIXA  DO "MUSEO MARCO DE VIGO".

      ENCANTOUNOS INTERACTUAR CON ESTA MAREA DE GLOBOS QUE DESENCADEARON UNHA CHEA DE SENSACIÓNS  E EMOCIÓNS , OLLADE!!!

                         

         ¡¡¡QUE BEN O PASAMOS!!!

GRAZAS FAMILIAS POLA VOSA 

DISPOSICIÓN DURANTE A SAÍDA

Setembro do 2011

A VOLTA Á ESCOLA...

                         "  EDUCAR É O MESMO
                 QUE PORLLE MOTOR A UNHA BARCA.
               HAI QUE MEDIR, PENSAR, EQUILIBRAR
                   E POR TODO EN MARCHA.

                          PERO PARA ISO
                    UN TEN QUE LEVAR NA ALMA
              UN POUCO DE MARIÑO, UN POUCO DE PIRATA,
              UN POUCO DE POETA,
              E UN QUILO E MEDIO DE PACIENCIA CONCENTRADA.

                     PERO É CONSOLADOR SOÑAR,
                   MENTRES UN TRABALLA,
                   QUE NESE BARCO ESE NENO, ESA NENA:
                       IRÁ MOI LONXE POLA AUGA.

                     SOÑAR QUE ESE NAVÍO
                LEVARÁ A NOSA CARGA DE PALABRAS
                CARA A PORTOS DISTANTES,
                   ATA ILLAS AFASTADAS."

                                               Autor  "Gabriel Celaya"




                   BENVIDOS COMPAÑEIROS DE VIAXE

            COMENZAMOS A NOSA SINGLADURA

            UN ANO MAIS CON MOITA ILUSIÓN!!!

!!!EXPERIMENTANDO COAS CORES!!! AULA MULTISENSORIAL

APROVEITANDO QUE NO CENTRO ESTÁBASE A TRABALLAR

OS PROXECTOS DOS PINTORES, 

NÓS DECIDIMOS 

QUE TAMÉN QUERÍAMOS FACER UN PROXECTO DE ARTE

O CAL LLE CHAMAMOS...

"EXPERIMENTANDO COAS CORES"

OBSERVAMOS AS SÚAS DIFERENTES TONALIDADES, 

EXPLORÁMOLAS A PARTIR DUNHA VARIEDADE DE PINTURAS, PAPEIS, E OUTROS MATERIAIS, 

CREAMOS OBXECTOS SINXELOS PARA TRABALLALAS,

XOGAMOS COA LUZ E A OSCURIDADE...

"CREO EN TI, COMO SÉ QUE PUEDES TE EXIJO,

PERO COMO SÉ QUE TE CUESTA ESFUERZO, 

TE LO RECONOZCO"

                                             ISABEL ORJALES

                                                                             

"O MARABILLOSO MUNDO DOS IMÁNS"

   
"A  MAXIA FORMA PARTE DA NOSA ESCOLA E NON HAI NADA MAIS MÁXICO QUE A FORZA QUE EXERCEN OS IMÁNS SOBRE OUTROS MATERIAIS. 
PARTINDO DE PREGUNTAS TALES COMO:
       ¿ONDE SE PEGAN...? 
           ¿ONDE ATOPAMOS IMÁNS...? 
                ¿PODEMOS FACER XOGOS CON ELES...?
... E PUXEMOS EN MARCHA ESTE PROXECTO.

"ATA A VOLTA ESTRELA XELA"

 

                   

Na biblioteca da nosa amiga  “ESTRELA XELA” podemos a cotío mergullarnos nenas, nenos e maiores por terra mar e aire da man  da nosa amiga…

 Nun mar de libros e lerias

   nun ceo de poemas e historias

       nun mar de cantigas e enredos

         nunha fraga de palabras e agarimos

            nun ceo estrelado de sorpresas,

               nunha coba de apretas e agarimos

                  nun mar de teatro,contos e cine,

                     nun xardín de contos e adiviñas

                      nun viaxar polos mares da tecnoloxía,

                     e tamén polo arco da vella  da imaxinación,                  

A lectura é coma un “bicho” que se mete no corpo e nos pode contaxiar a todas  e a todos. Nalgunhas ocasións mergullandonos nos libros, nos contos, nas historias ... para de xeito irrevesible quedarmos contaxiados. Polo que, unha vez contaxiados por  este “bicho” xa non existe remedio que o cure, xa somos ESTRELAS DE MAR, DE TERRA E TAMÉN DO CEO...  e temos carnet da biblioteca.

O  mellor vieiro de contaxio e por via materna-paterna e polos avós e avoas, irmás e amizades.  Xuntos andamos a procura de orientar e animar as familias dende o “CLUB DA LECTURA DA ESTRELA XELA”  para compartir e viaxar polos libros e tempos de faladeira.

                                         

A biblioteca da “ESTRELA XELA” remata a súa andaina ata setembro xa que, “XELA” a nosa estrela “AMIGA”, vai marchar de vacacións,  e tamén irá visitar feiras do libro, coñecer novas bibliotecas e mercar algunhas novedades nas editoriais e librerias.

  Para despedirnos quer agasallarnos con algunhas fotos das actividades da súa biblioteca neste curso escolar 2010-11 e tamén facernos algunhas suxestións para o verán, e invitarnos a mergullarnos por mar, terra e aire  entre libros e contos alí onde estemos de vacacións.  ¡ Bo verán con moitos libros e contos ! 

ENLACES de  EDITORIAIS:

http://www.combeleditorial.com/es/catalogo/  Editorial Combel

http://www.editorialkokinos.com/catalogo/colecciones/  Editorial kokinos

http://www.oqo.es/editora/es  Editorial OQO 

http://www.pintar-pintar.com/   Editorial Pintar y Pintar

http://www.ediciona.com/editorial_kalandraka_editora-dirf-3436-c13.htm   Editorial KALANDRAKA

FEIRAS DO LIBRO EN VIGO E CONTORNO, nos meses de xullo e agosto

Feira do libro de Vigo en Xullo

Feira do libro de Pontevedra

                                        

Animais mariños

    Recibimos unha sorpresa a través do noso correo da aula, "a autoridade portuaria" invitávanos a coñecer o noso porto!!!.
    Falamos, investigamos e pedimos axuda ás familias para elaborar unha lista sobre os animais que atoparíamos: polbos, golfiños, quenllas, fanecas, centolos, ameixas, navallas...tamén barcos, camións e moita xente traballando.
    Chegou o gran día!!!... puxémonos moi elegantes para a ocasión cos chalecos reflectantes, obrigatorios para visitalas instalacións.
     Percorrimos a lonxa de altura, de baixura e unha cetárea.
     De volta na escola,  ó longo de varias sesións vimos tódalas fotos e cada cativ@ escolleu  o seu animal mariño preferido, aínda que non se atopara no porto cando fixemos a visita.
     Coa axuda das familias mergullámonos nun mar de informacións e fomos pasiño a pasiño elaborando murais, posters... trouxemos videos, fotos...
     Puxémonos de acordo coa axuda da mestra para elaborar "un calendario de conferencias" xa que seríamos conferenciantes por un día para o resto dos nos@s amigos/as.   

     Preparamos unha mesa con teas, coa esfera do mundo, pedimos un micrófono da aula das Tic, elaboramos os nosos carteis de conferenciantes, xa organizados empezamos a  contarlle aos nos@s compañeir@s os nosos descubrimentos e tamén curiosidades,...nese lugar tan especial da aula  adicado a investigación.  
     Ollade no video o ben que realizamos o noso rol de conferenciantes!!!
     Con tódolos datos, elaboramos días despois, o caderno viaxeiro "Os animais mariños" que foi de visita  polos fogares.
     Tamén compartimos cos compañeir@s doutras aulas as nosas investigacións, foi emocionante!!!

 

Como remate do proxecto decoramos as paredes do noso baño coa silueta do noso animal mariño.

 Moitas grazas, foi un traballo en equipo moi productivo!!!

A NOSA FESTA DOS MAIOS 2011

Este é o noso berro do maio 2011...

"LEVÁNTATE MAIO

QUE TANTO DURMICHES

CHEGOU O CUCO

E TI NON O VICHES"

A unha, as dúas, as tres
o noso maio sube, baixa
móvese para adiante e para atrás
da tres voltas e ponse no chan.


Coa axuda de nais e pais vestimos o maio
con fiuncho, flores e remallos
!Que fermoso nos quedou!

Xuntos cantámoslle o noso maio,
un poema do gran " Curros Enriquez"
Xuntos bailamoslle o noso maio
enredos e coplas rimadas e por nós inventadas.
Todos a unha tocamoslle as cunchas,
e aplaudímoslle con moito agarimo.

Nenos e nenas, nais e pais e outras amizades
engalanados para a ocasión con flores e puchos
a festa dos maios fomos quen de celebrar.
Coa cantiga do "PIRIMPIMPIM",
todos xuntos cantamos e bailamos sen parar.
"A FESTA DO MAIO 2011" vai rematar...

!O vindeiro ano, outra "FESTA DOS MAIOS" imos celebrar!